Azərbaycandan olan gənc diplomatlar NATO mənzil-qərargahı və SHAPE-ə səfər etmişdirlər
16-17 dekabr 2024-cü ildə Azərbaycan Respublikasının Xarici İşlər Nazirliyinin bir qrup gənc diplomatları NATO mənzil-qərargahı və NATO-nun Avropa Ali Müttəfiq Qüvvələr Komandanlığına (SHAPE) iki günlük səfər etmişdirlər.
Səfərin birinci günü gənc diplomatlar NATO-nun cari gündəliyi, Alyansın üzləşdiyi təhlükəsizlik çağırışları, təşkilatın hibrid və kiber siyasəti və tərəfdaşlıqları sahəsində NATO-nun İctimai Diplomatiya, Əməliyyatlar, İnnovasiya, Hibrid və Kiber, Siyasi Məsələlər və Təhlükəsizlik Siyasəti bölmələri tərəfindən təşkil edilmiş seminarlarda iştirak etmişdirlər.
Səfərin ikinci günü, 17 dekabr 2024-cü il tarixində Xarici İşlər Nazirliyinin gənc diplomatları Belçika Krallığının Mons şəhərində yerləşən NATO-nun Avropa Ali Müttəfiq Qüvvələr Komandanlığına (SHAPE) səfər etmişdirlər. Səfər çərçivəsində gənc diplomatlar NATO-nun Avropa Ali Müttəfiq Qüvvələr Komandanlığının (SHAPE) Qərargah rəisinin müavini - Tərəfdaşlıq İdarəsinin rəisi kontr-admiral Bruasdal Qunştayn ilə görüşmüşdürlər. Eyni zamanda, NATO və onun tərəfdaşlıqları, Alyansın hazırki əməliyyatları və NATO-nun müdafiə və çəkindirmə konsepsiyası kimi mövzuları əhatə edən seminarlarda iştirak etmişdirlər. SHAPE-ə səfərlərinin sonunda kontr-admiral Bruasdal Qunştayn tərəfindən gənc diplomatlara nahar qonaqlığı verilmişdir.
Səfər çərçivəsində, gənc diplomatlar, həmçinin Azərbaycan Respublikasının NATO yanında Nümayəndəliyini ziyarət etmişdirlər.
