Nümayəndəliyinin başçısı Cəfər Hüseynzadə ilə NATO SHAPE-in Qərargah rəisinin müavini kontr-admiral Bruasdal Qunştayn arasında görüş keçirilmişdir
Belçika Krallığının Mons şəhərində yerləşən NATO-nun Avropa Ali Müttəfiq Qüvvələr Komandanlığında (SHAPE) Azərbaycan Respublikasının NATO yanında Nümayəndəliyinin başçısı Cəfər Hüseynzadə ilə Komandanlığın Qərargah rəisinin müavini - Tərəfdaşlıq İdarəsinin rəisi kontr-admiral Bruasdal Qunştayn arasında görüş keçirilmişdir.
Görüşdə kontr-admiral Bruasdal Qunştayn dekabrın 3-5-də Bakıda keçirilmiş “NATO Günləri 2024”-də iştirakı ilə əlaqədar ölkəmizə səfərinin nəticələrindən danışmış, həmçinin bu səfər çərçivəsində keçirdiyi görüşlərlə bağlı xoş təəssüratlarını bölüşmüşdür.
Qarşı tərəf Azərbaycan-NATO əlaqələrinin cari vəziyyəti, Azərbaycan Ordusunda aparılan islahatları, habelə Avropanın enerji təhlükəsizliyinin təmin edilməsində Azərbaycanın rolunu yüksək qiymətləndirmişdir.
